Hindustan bhi mera hai aur Pakistan bhi mera hai
Lekin in donon mulkon mein Amrika dera hai



Aid ki gandam kha kar ham ne kitney dhokey khai hain
Poochh na hamne Amrika ke kitne naaz uthai hain

by The Great HABIB JALIB


Phir bhi ab tak wadi-e gul ko sangeenon ne ghera hai
Hindustan bhi mera hai aur Pakistan bhi mera hai



Khan Bahadur chhodna hoga ab to saath Angrezon ka
Ta bah gareban aa pahuncha hai phir se hath Angrezon ka



Macmilan tera na hua to Kenedy kab tera hai
Hindustan bhi mera hai aur Pakistan bhi mera hai


Yeh dharti hai asal mein, pyare, mazdooron dahqanon ki
Is dharti par chal na sakegi marzi chand gharanon ki